Dette vart klart under avslutningssermonien til EuroSkills 2025 som gjekk av stabelen i Herning, Danmark denne veka.
– Dette er heilt utruleg, seier leiar i yrkesseksjon helse og sosial i Fagforbundet, Iren Mari Luther.
– Eg trur få skjønner den vanvitige prestasjonen Henrik har levert.
Nestleiar i Yrkesseksjon helse og sosial, Helge Sporsheim, har fylgt både treninga og meisterskapet på nært hald. Han har stått «ringside» og sett alle Henriks oppgåver i konkurransen i Lyon.
– Eg har hatt trua heile vegen! Henrik er botnsolid og har hatt eit veldig godt apparat rundt seg. Det er likevel heilt fantastisk at det vart pallplass, seier ein glad Sporsheim.