Mange ledige verv i Fagforbundet Lærdal frå årsmøte i 2026

Mange ledige verv i Fagforbundet frå årsmøtet i 2026

Då mange går ut av styret dette året, må me rekruttere nye medlemmar. Det er framleis att fleire av dei røynde styremedlemmane. Oppgåvene kan sjå massive og enorme ut nedskrivne, men ta kontakt om interesse for nokre av verva, oftast ser det verre ut skrivne enn det er i praksis!

Ingen forventar at ein skal vere ferdig utlært når ein tek eit verv i Fagforbundet. Fagforbundet har gode opplæringar, og det er alltid nokon å spørje. Ein vert godt ivareteken som ny i forbundet. Nysgjerrigheit, vilje og merksemd er ein god start.

Verva vert lønna med eit honorar, som vert utbetalt kvar desember om ein har møtt på dei fleste styremøta. Styremøta vert haldne på rådhuset på kveldstid, og det er ca 6-8 styremøte i året. På styremøta får du informasjon om arbeidsgjevar, korleis det er i andre einingar i kommunen, innmeldingar/utmeldingar, handlingsplan osv. Og har ein spørsmål, eller lurer på noko, kva som helst, så er heile styret klar til å hjelpa,  ein kan dele erfaringar, og ein kan komma med forslag om kva styret skal/kan ta fokus på.

Kontaktinfo finn du nedst i teksten. Håpar å høyre frå deg!

 

Desse verva er ledige:

Leiar i styret, med desse oppgåvene:

·        Planlegge, innkalle og lede styremøter, medlemsmøter og årsmøter

·        Syte for at alle i styret fungerer i høve sine verv

·        Sakshandsamar til styret i organisatoriske saker

·        Kontaktperson overfor forbundet

·        Fagleg politisk arbeid og fylgje opp politisk miljø

·        Samfunnspolitiske saker

·        Føreta naudsynte innkjøp til fagforeninga

·        Postansvarleg

·        Overordna ansvar for økonomi, samarbeid med kasserar

·        Ansvaret for verving av nye medlemmar

·        Ansvar for protokollar og fane 2 er ajour (kasserar har Fane 2)

·        Ansvar for intern og ekstern informasjon til fagforeninga

·        Fylgje opp handlingsplan

Nestleiar/sekretær i styret, med desse oppgåvene:

·        Tek over for leiar i leiar sitt fråvær

·        Ha oversikt og kunnskap om arbeid i fagforbundet

·        Særleg ansvarleg for verve- og informasjonsflyten

·        Utføre oppgåver gjeven av leiar/styret

Opplæringsansvarleg, med desse oppgåvene:

·        Føreslå og planlegge organisatorisk opplæring i eige fagforbund

·        Oppfordre til deltaking på kurs

·        Kartlegge kva kurs medlemmar treng

·        Distribuere organisatoriske kurs og konferansetilbod ut til medlemmane

Styremedlem, med desse oppgåvene:

·        Utføre oppgåver styret til ei kvar tid gjev

·        Bidra til å fylgje opp dei vedtak som vert fatta i styret, på medlemsmøter og årsmøtet

·        Ta initiativ og syte for å engasjere seg i fagforbundet sitt arbeide

Seksjonsleiar/kontakt, med desse oppgåvene:

·        Skal samarbeide med tillitsvalde i yrkesfaglege saker, bidra med yrkesfagleg argumentasjon

·        Skal samarbeide med opplæringsansvarleg om opplæring for medlemmar i yrkesseksjonen

·        Samarbeide med andre seksjonar lokalt og regionalt

·        Medansvarleg for at Fane 2 har rett registrering av yrke, tlf og e-post etc.

·         LEDIG FOR SEKSJON KONTOR OG ADMINISTRASJON
 LEDIG FOR SAMFUNN OG TEKNISK

 LEDIG FOR HELSE OG SOSIAL

Ungdomstillitsvald, med desse oppgåvene:

·        Skal arbeide for at lærlingar, elevar, studentar og unge mennesker generelt

·        Representere fagforbundet på møter og konferansar som   vedkjem unge

·        Verve dei unge

·        (må vere 30 år eller yngre)

 

Lynn Norum, HTV og leiar – lynn.norum@fagforbundet.org

Renate Fossen, seksjonsleiar kontor og valnemnd – renate.f@laerdal.kommune.no

Edel Ørbeck Mo, styremedlem og valnemnd – edel.orbeck.mo@laerdal.kommune.no

 

Me gler oss til å høyre frå deg – og gjerne få deg med på laget 😊